چھتیس گڑھ کے سرگوجا میں گزشتہ روز انسانیت کو شرمسار کرنے والا واقعہ پیش آیا ہے۔
اطلاعات کے مطابق گزشتہ روز ایک شوہر اور اس کی حاملہ بیوی کے درمیان معمولی جھگڑا ہوا تھا، اس سے ناراض شوہر نے اپنے حاملہ بیوی کے پیٹ میں چاقو مارکر شدید طور پر زخمی کردیا۔
واقعے کے بعد اہل خانہ نے حاملہ خاتون کو فوراً ہسپتال پہنچایا جہاں ڈاکٹرز نے آپریشن کرکے خاتون کی جان بچائی۔
واضح رہے کہ سیتا پور تھانہ کے گاؤں بنشی پور کی رہائشی رملہ کوروا دو دن قبل شوہر کے ساتھ ہوئے تنازعہ کے بعد میکے آگئی تھی۔ جس سے ناراض شوہر سسرال پہنچا اور اپنی حاملہ بیوی سے مار پیٹ کرنے لگا، اسی درمیان اس نے چاقو سے اپنی حاملہ بیوی کے پیٹ پر بھی حملہ کردیا جس سے وہ شدید طور پر زخمی ہوگئی۔
اس واقعے کے بعد اہل خانہ نے حاملہ خاتون کو فوری ہسپتال پہنچایا، جہاں ڈاکٹرز نے اس کا آپریشن کرکے جان بچائی۔ فی الحال متاثرہ ابھی بھی ڈاکٹروں کی دیکھ بھال میں آئی سی یو میں ایڈمٹ ہے۔
