بیجاپور: چھتیس گڑھ کے بیجاپور ضلع میں نکسلیوں اور سکیورٹی فورسز کے درمیان تصادم ہوا۔ اس دوران آئی ای ڈی دھماکے میں ایک فوجی زخمی ہوا۔ زخمی جوان کو رائے پور ریفر کیا جا رہا ہے۔ انکاؤنٹر کے بعد تلاشی مہم کے دوران فوجیوں نے نکسلیوں کی ادویات اور کھانے پینے کی اشیا بھی برآمد کی ہیں۔ ضلع ہیڈکوارٹر بیجاپور کے پسنار کرود کے نزدیک نکسلیوں اور DRG جوانوں کے درمیان تصادم ہوا ہے۔ اس دوران آئی ای ڈی لگنے سے ایک جوان زخمی ہوا ہے۔ جانکاری کے مطابق، ڈی آر جی کے زخمی جوان کو ہیلی کاپٹر کے ذریعے ایئر لیفٹ کیا جائے گا اور ابتدائی طبی امداد کے بعد رائے پور ریفر کیا جائے گا۔
مزید پڑھیں: Cow Vigilante Attacked ناندیڑ میں گئو رکھشکوں پر حملہ، ایک ہلاک، متعدد زخمی
چھتیس گڑھ کے بیجاپور ضلع میں 5 جون کو نکسلیوں نے آئی ای ڈی کو دھماکے سے اڑا دیا تھا۔ اس آئی ای ڈی دھماکے میں سی آر پی ایف کے دو اہلکار زخمی ہو گئے۔ زخمی جوانوں کو بیجاپور سے ریفر کرنے کے بعد ہیلی کاپٹر کے ذریعے رائے پور روانہ کیا گیا۔ دوسری طرف 7 جون کو بیجاپور کے مرکی پاڑ جنگل میں نکسلیوں اور سکیورٹی فورسز کے درمیان انکاؤنٹر ہوا۔ یہ انکاؤنٹر بیجاپور ضلع کے باسا گوڈا-پامڈ-اسور ٹرائی جنکشن علاقے میں ہوا ہے۔
