ریاست چھتیس گڑھ کے ضلع مہا سموند میں پولیس نے 10 لاکھ روپے مالیت کے 400 ہیرے کے ساتھ ایک ہیرے کے اسمگلر کو گرفتار کیا ہے۔ اسمگلر سے 400 ہیرے کے ٹکڑے ، ایک پاورشیشہ، ایک وزن والی مشین اور ایک موبائل ضبط کیا گیا ہے۔ ملزمان کے خلاف مختلف دفعات کے تحت مقدمہ درج کرکے کارروائی کی جارہی ہے۔
پولیس کو مخبر سے اطلاع ملی تھی کہ ایک شخص ہیرے فروخت کرنے کے لئے کسٹمر کی تلاش کر رہا ہے۔ اطلاع ملنے پر پٹورہ پتھورا لیس نے ہیرے کے اسمگلر بھارت بھوئی کو 400 ہیرے کے ٹکڑوں کے ساتھ گرفتار کیا۔ 9.560 گرام ہیروں کی قیمت 10 لاکھ روپے بتائی جا رہی ہے۔ ملزم ٹیکا پتھورا کا رہائشی ہے۔
تفتیش کے دوران ملزم نے بتایا کہ اس طرح کے ہیرا کو ضلع گریابند کے علاقے دیوبھوگ کی پائلی کھنڈ کان سے کھودا جاتا ہے، جو چوری کرکے لوگوں کو فروخت کیا جاتا ہے۔ جس کی ممبئی اور سورت کے بازاروں میں زبردست مانگ ہے۔ ہیرے کو تراشنے کے بعد اس کی قیمت کئی گنا بڑھ جاتی ہے۔
وہیں مہاسموند گریابند کا علاقہ ہیرے تسکروں کے لیے ریاست میں سرخیوں میں رہتا ہے۔
سال 2020 میں پولیس نے یہاں سے بہت سے بڑے اسمگلروں کو گرفتار کیا۔ ان سے لاکھوں روپے مالیت کے ہیرے بھی برآمد کیے گئے تھے۔
