رائے پور: چھتیس گڑھ میں بڑھتے ہوئے سائبر کرائم کو روکنے کے لیے پولس افسران کی میٹنگ میں اس سلسلے میں موثر کارروائی کرنے کے لیے اضلاع کے سائبر نوڈل افسران کو ہدایات دی گئیں۔ ایڈیشنل ڈائرکٹر جنرل آف پولیس (تکنیکی خدمات) پردیپ گپتا کی صدارت میں سائبر کرائم کی روک تھام اور سائبر کرائم پر موثر کارروائی کے لیے کل ضلع کے تمام سائبر نوڈل افسران کے ساتھ سینٹرلائزڈ کمانڈ اینڈ کنٹرول سینٹر میں ایک میٹنگ کا اہتمام کیا گیا۔ اس میں مسٹر گپتا نے سائبر کرائم اور سائبر سیکورٹی چیلنجوں کے بارے میں معلومات دی اور پولیس ہیڈ کوارٹر کی طرف سے اس سے نمٹنے کی حکمت عملی کے بارے میں معلومات دی۔
مسٹر گپتا نے کہا کہ رینج کی سطح پر منظور شدہ سائبر پولیس اسٹیشن کے لیے پوسٹ کی تخلیق کا کام جاری ہے، جسے جلد ہی مکمل کر لیا جائے گا۔ اس سلسلے میں متعلقہ ڈسٹرکٹ سائبر نوڈل آفیسر کو سائبر پولیس اسٹیشن کی تعمیر کے لیے مناسب جگہ کی نشاندہی کرنے کی ہدایت دی گئی۔ انہوں نے کہا کہ جلد ہی پولیس ہیڈ کوارٹر کی جانب سے بڑے پیمانے پر سائبر عوامی بیداری کے لیے ریاستی سطح کا روڈ شو منعقد کیا جائے گا۔ انہوں نے تمام افسران کو ہدایت کی کہ وہ اپنے اپنے اضلاع میں سائبر سے متعلق زیر التواء شکایات کا جلد نپٹارہ کریں۔ میٹنگ میں این سی آر پی پورٹل کے ذریعے درج ہونے والی شکایات، سٹیزن فنانشیل سائبر فراڈ 1930 کے ذریعے روکی گئی رقم کی واپسی کے لیے مناسب کارروائی، سائبر کرائم اور خواتین اور بچوں سے متعلق سائبر ٹپ لائن کیسز کو حل کرنے کی ہدایت دی گئی۔ ضلعی سطح پر ہیلپ ڈیسک قائم کرنے اور سائبر بیداری مہم مسلسل چلائے جانے کی ہدایت دی گئی۔
یہ بھی پڑھیں: Cyber Crime in Jharkhand گریڈیہ میں چار سائبر ملزم گرفتار
یواین آئی
