پولیس نے لڑکی کو نکسلی بتاکر جیل بھیج دیا

چھتیس گڑھ کے ضلع بیجاپور کے تریم کے گاؤں والوں نے دنتے واڑہ پولیس پر سنسنی خیز الزام لگاتے ہوئے کہا کہ 26 مئی کو جس لڑکی کی شادی ان کے گاؤں کے ایک لڑکے کے ساتھ ہونی تھی، اس لڑکی کو پولیس نے بچیلی میں شادی کی خریداری کے دوران پکڑ کر نکسلی ہونے کے الزام میں جیل بھیج دیا ہے۔

گاؤں والوں کا کہنا ہے کہ پيڈيا کی رہنے والی سنی اولم کی شادی پیر 26 مئی کو کو تریم کے رہنے والے سکا كڈتی کے ساتھ ہونی تھی لیکن پولیس نے لڑکی کو جھوٹے کیس میں پھنسا کر جیل بھیج دیا ہے۔
دنتے واڑہ پولیس نے 23 مئی کو بچیلي سے سات نکسلیوں کو گرفتار کرنے کا دعوی کر کےانہیں جیل بھیج دیا تھا، جن میں بیجاپورکے پيڈيا کی رہنے والی سنی اولم بھی شامل ہیں۔ اس پر پولیس نے سی این ای رکن ہونے کا الزام لگایا ہے۔
کل کو بیجاپور پہنچے تریم کےرہنے والے منوج كڈتی نے بتایا کہ سنی اولم کی منگنی ایک سال پہلے اس کے بڑے بھائی سکا كڈتی کے ساتھ کی گئی تھی اور 26 مئی کو گاؤں میں ان کی شادی ہونی تھی۔