ریاست چھتیس گڑھ کے نارائن پور گھاٹی کیمپ میں فوجیوں کے مابین جھڑپ میں ایک جوان نے ساتھی جوانوں پر فائرنگ کردی جس سے دو جوان ہلاک اور ایک جوان شدید طور پر زخمی ہوگئے۔
بتایا جارہا ہے کہ نارائن پور امدئی گھاٹی کیمپ میں فوجیوں کے مابین تنازعہ میں ایک پلاٹون کمانڈر اور ایک حویلدار کی موت ہو گئی وہیں ایک پلاٹون کمانڈر زخمی ہے جسے علاج کے لئے رائے پور روانہ کردیا گیا ہے۔
دراصل معاملہ سی اے ایف 9 ویں بٹالین کا ہے۔ گذشتہ رات فوجیوں کے مابین کسی چیز کو لے کر جھگڑا ہوا تھا۔ تنازعہ اتنا بڑھ گیا کہ ایک جوان نے اپنی سروس رائفل سے ساتھی فوجیوں پر فائر کردیا۔
گولی لگنے کی وجہ سے دو جوانوں نے موقع پر ہی دم توڑ دیا جبکہ 1 جوان بری طرح زخمی ہوا ہے۔
زخمی جوان کو بہتر علاج کے لئے رائے پور ریفر کردیا گیا ہے۔
بستر آئی جی سندرراج پی نے واقعے کی تصدیق کی ہے۔
