پولیس اور نکسلیوں میں تصادم، جوان زخمی

چھتیس گڑھ کے ضلع بیجا پور کے باساگڈا تھانہ علاقے کے آؤٹ پلی کے جنگلات میں نکسلیوں کے ذریعہ منائے جا رہے شہیدی ہفتے کے دوسرے دن آج پولیس اور نکسلیوں کے درمیان ہوئی مڈبھیڑ میں ضلع ریزرو فورس کا ایک جوان زخمی ہوگیا۔

بیجاپور پولیس سپرنٹنڈنٹ کملوچن کشیپ نے بتایا کہ زخمی جوان لکشمن بیڈجا کے داہنے پیرمیں گولی لگی ہے۔زخمی جوان خطرے سے باہر ہے۔جوان کو جائے وقوع سے صحیح سلامت باہر نکال لیا گیا ہے۔
مڈبھیڑ کے بعد نکسلیوں کے بھاگنے کے بعد جائے وقوع کی سرچنگ کی جارہی ہے۔