چھتیس گڑھ میں 9ویں سے 12ویں تک کی تعلیم 15 فروری سے شروع

چھتیس گڑھ میں نویں سے بارہویں تک کی کلاسیز پندرہ فروری سے شروع کرنے کی ہدایت جاری کی گئی ہے۔ ریاستی کابینہ کی طرف سے آج اس بارے میں کئے گئے فیصلے کے بعد اسکول محکمہ تعلیم کو اس بارے میں ہدایت جاری کردی گئی ہے۔

ہدایت کے مطابق ریاست کے تمام اسکولوں کی نویں، دسویں، گیارہویں اور بارہویں کی کلاسیز 15 فروری سے شروع کرنے کی اجازت اس شرط پر دی جاتی ہے کہ مرکز اور ریاستی حکومت کی طرف سے کووڈ۔19 انفیکشن سے بچاؤ کے سلسلہ میں وقفہ وقفہ سے جاری تمام رہنما ہدایات پر لازمی طورپر عمل کیا جائے۔

ہدایت کے مطابق اگر کسی طالب علم میں سردی، زکام، بخار یا کورونا کی دیگر علامات نظر آتی ہیں تو ایسے طالب علم کو کلاس میں بیٹھنے نہیں دیا جائے اور فوری طورپر کورونا کی جانچ کرانے کا مشورہ دیا جائے۔

یو این آئی