بڈگام: سڑک حادثے میں خاتون ڈرائیور ہلاک

وسطی کشمیر کے ضلع بڈگام میں جمعہ کی سہ پہر سیاحتی مقام دودھ پتھری میں ایک سڑک حادثہ کے دوران خاتون ہلاک ہو گئی۔

ضلع بڈگام کے ٹنگہ نارم، دودھ پتھری علاقے میں ایک نجی گاڑی ڈرائیور کے قابو سے باہر ہو کر گہری کھائی میں جاگری جس کے نتیجے میں خاتون ڈرائیور کی موقع پر ہی موت واقع ہو گئی۔

فوت ہونے والی خاتون کی شناخت ضلع کپوارہ سے تعلق رکھنے والی صائمہ دختر عبد الرشید کے طور پر ہوئی ہے۔

اس ضمن میں بڈگام پولیس نے معاملہ درج کرکے مزید کارروائی شروع کر دی ہے۔

پولیس کے مطابق قانونی و طبی لوازمات کے بعد میت کو آخری رسومات کے لیے وارثین کے سپرد کر دیا گیا۔