وسطی کشمیر کے ضلع بڈگام میں بھی آج دوسرے مرحلے کے لیے انتخابات ہوئے۔
بیروہ اور کھاگ بلاک کے رائے دہندگان نے اپنے حق رائے دہی کا استعمال کیا۔
ان دو حلقوں میں ڈسٹرکٹ ڈیولپمنٹ کونسل کی دو نشستوں پر انتخابات میں حصہ لینے کے لئے 15 امیدواروں نے اپنے کاغذاتِ نامزدگی جمع کرائے تھے۔
اس میں 6 امیدواروں نے بیروہ بلاک کے لیے فارم جمع کرائے تھے، جب کہ 9 امیدواروں نے کھاگ بلاک کے لیے پرچے داخل کئے تھے۔
وہیں سرپنج ، پنج اور یو ایل بی کے لئے بھی نشستیں خالی تھیں جن کا انتخابات بھی آج ہی منعقد ہوا۔
بیروہ میں سرپنج کی نشستوں کے لئے کل 4940 کی تعداد تھی جس میں سے 3226 رائےدہندگان نے ووٹنگ میں حصہ لیا۔
1726 مرد رائے دہندگان اور 1500 خواتین نے بھی ووٹ ڈالا۔
اسی طرح بیروہ حلقے میں پنج نشستوں کے لئے کل ووٹرز کی تعداد 2674 تھی جس میں 1849 ووٹرز نے اپنے حق رائے دہی کا استعمال کیا۔
ان میں 953 مرد ووٹرز نے اور 896 خواتین ووٹرز نے بھی اپنا ووٹ ڈالا۔
میونسپل کمیٹی بیروہ کی نشستوں کے لئے ووٹرز کی تعداد 416 تھی جس میں سے 213 ووٹ ڈالے گئے۔
ان میں 115 مرد ووٹرز تھے جب کہ 98 خواتین وؤٹرز تھیں۔
کھاگ میں پنچ نشستوں کے لئے کل ووٹرز کی تعداد 1060 تھی جس میں 697 ووٹ ڈالے گئے۔
ان میں 381 مرد ووٹرز نے اور 316 خواتین ووٹرز نے ووٹ ڈالا۔
ڈسٹرکٹ ڈیولپمنٹ کونسل کی کھاگ نشست کے لئے کل وٹرز کی تعداد 21208 تھی جس میں 8127 ووٹ ڈالے گئے۔
ان میں 4501 مرد ووٹرز نے اور 3626 خواتین نے اپنے ووٹ کا استعمال کیا۔
- مزید پڑھیں:تعمیر و ترقی کے لیے ووٹ ڈالے گئے
وہیں بیروہ ڈسٹرکٹ ڈیولپمنٹ کونسل کی نشست کے لئے کل ووٹرز کی تعداد 23514 تھی جس میں 11329 ووٹ موصول ہوئے۔
ان میں 6145 مرد رائےدہندگان نے اپنا ووٹ ڈالا جب کہ 5184 خواتین رائےدہندگان نے بھی اپنا ووٹ ڈالا۔
دوسرے مرحلے کے انتخابات ختم ہونے کے ساتھ ہی اب تیسرے مرحلے کے لئے تشہیری مہم شروع ہوگئی ہے۔
