Violation of Land Revenue Act: بڈگام میں "لینڈ ریونیو ایکٹ" کی کھلم کھلا خلاف ورزی

بڈگام میں کچھ لوگ اپنے باغات کو اپنی مرضی سے تبدیل کر رہے ہیں جب کہ کئی لوگ زرعی اراضی پر راتوں رات رہائشی کالونیاں اور دیگر تجارتی عمارتیں کھڑی کردیتے ہیں۔ اس سے عوامی حلقوں میں کافی تشویش پائی جاتی ہے۔ Construction of Shopping Mall in Budgam

بڈگام: تقریباً آٹھ لاکھ آبادی والا ضلع بڈگام 1370 مربع کلومیٹر پر پھیلا ہوا ہے۔ وادی کشمیر کے متعدد خوبصورت و صحت افزا مقام جیسے یوسمرگ، دودھ پتھری کا میدان و دیگر اسی ضلع میں واقع ہیں۔ ضلع بڈگام میں اراضی ایکٹ کی خلاف ورزی کوئی نئی بات نہیں ہے۔ ضلع کے کئی مقامات پر اراضی ایکٹ کی خلاف ورزی اب معمول بن چکا ہے۔ Violation of Land Revenue Act in Budgam

کچھ لوگ اپنے باغات کو اپنی مرضی سے تبدیل کر رہے ہیں جب کہ کئی لوگ زرعی اراضی پر راتوں رات رہائشی کالونیاں اور دیگر تجارتی عمارتیں کھڑی کردیتے ہیں۔ اس سے عوامی حلقوں میں کافی تشویش پائی جاتی ہے۔Converting Agricultural Land in Budgam

لہلہاتے کھیتوں سے غیرقانونی طور سے مٹی نکالنے کے بعد اسے بنجر قرار دیا جاتا ہے جس کے بعد دیکھتے ہی دیکھتے اراضی پر تعمیرات کا کام شروع کیا جاتا ہے۔ اگر یہ سلسلہ ایسے ہی جاری رہا اور اگر فوری طور پر اسے نہیں روکا گیا تو آنے والے وقت میں نئی نسل کو زرعی اراضی کے بارے میں صرف کتابوں میں ہی پڑھنے کو ملے گا۔Illegal Soil Excavation in Budgam