وسطی کشمیر کے ضلع بڈگام کے چراری پورہ، پکھر پورہ علاقے میں موٹر سائیکل اور ٹاٹا موبائیل کے درمیان ٹکر کے باعث دو نوجوان زخمی ہو گئے۔
ایس ایچ او چرار شریف یاسر رشید نے ذرائع ابلاغ کے نمائندوں کو بتایا کہ چراری پورہ پکھر پورہ میں پیر کی صبح ٹاٹا موبائیل زیر رجسٹریشن نمبر JK03A-2205 اور موٹر سائیکل زیر رجسٹریشن نمبر JK13E-4921کے درمیان ٹکر ہوئی جس کے نتیجے میں موٹر سائیکل پر سوار دو نوجوان زخمی ہوئے۔
انہوں نے زخمیوں کی شناخت شبیر احمد گنائی ولد بشیر احمد گنائی ساکنہ چیک کار پورہ اور سمیر احمد پنڈت ساکنہ کریم آباد، پلوامہ کے طور پر کی ہے۔
پولیس افسر نے مزید بتایا کہ ابتدائی مرہم پٹی کے بعد دونوں کو مزید علاج ومعالجے کی خاطر سری نگر منتقل کیا گیا۔
