سرکاری ملازم سمیت تین افراد گرفتار، پولیس کی تردید

ایس ایس پی بڈگام امود اشوک ناگپور نے ای ٹی وی بھارت کو بتایا کہ ان تینوں افراد کو  معمول کے مطابق پولیس اسٹیشن خانصاحب بلایا گیا تھا۔ انہون نے یہ بھی کہا کہ پولیس نے کسی کو بھی گرفتار نہیں کیا ہے۔

سکیورٹی فورسز نے مشترکہ کارروائی کے دوران ایک سرکاری ملازم اور اس کے دو رشتہ داروں کو گرفتار کرلیا ہے اور ان کے قبضے سے ایک زنگ آلود پستول برآمد کیا ہے۔ تاہم پولیس نے اسکی تصدیق نہیں کی ہے۔

بتایا جا رہا ہے کہ 53 راشٹریہ رائفلز اور اسپیشل آپریشن گروپ نے 7 اور 8 فروری کی درمیانی شب میں تین افراد کو گرفتار کیا تھا۔ ذرائع کے مطابق ان کی شناخت خانصاحب کے سابق عسکریت پسند بشیر احمد شاہ اور چھتہ بل سرینگر کے فیصل فاروق اور انعام الحق کے طور پر ہوئی ہے۔

رپورٹس کے مطابق ان تینوں افراد کو پولیس اسٹیشن خانصاحب میں حراست میں رکھا گیا ہے۔ تاہم پولیس نے ان رپورٹس کو صرف افواہ قرار دیا ہے۔

ایس ایس پی بڈگام امود اشوک ناگپور نے ای ٹی وی بھارت کو بتایا کہ ان تینوں افراد کو معمول کے مطابق پولیس اسٹیشن خانصاحب بلایا گیا تھا۔ انہون نے یہ بھی کہا کہ پولیس نے کسی کو بھی گرفتار نہیں کیا ہے۔