بڈگام: ضلع بڈگام کے دور افتادہ علاقہ کوکرباغ کا ایک رہائشی جنگل میں لکڑیاں کاٹنے کے دوران اُس وقت فوت ہو گیا جب ایک تن آور درخت اُس پر آگرا۔ فوت ہونے والے شخص کی شناخت 32سالہ محمد رفیق کھوکر ولد کھوکر کے طور پر ہوئی ہے۔ مقامی باشندوں کا کہنا ہے کہ محمد رفیق کوکرباغ کے جنگلاتی علاقہ کوکرباغ کے کمپارٹمنٹ 28میں لکڑی کاٹ رہا تھا جس دوران یہ حادثہ پیش آیا۔ 32 year old man dies in Budgam
مقامی باشندوں نے بتایا کہ پولیس کو فوری طور مطلع کیا گیا جنہوں نے علاقے میں پہنچ کر میت کو اپنی تحویل میں لے لیا۔ پولیس کا کہنا ہے کہ انہوں نے اس ضمن میں مقدمہ درج کرکے مزید کارروائی شروع کر دی ہے۔ وہیں لوازمات کی تکمیل کے بعد میت کو آخری رسومات کے لیے لواحقین کے سپرد کر دیا گیا۔
مزید پڑھیں: Tree Falls on Tent, Narrow Espace for Dozens : درخت شامیانے پر گرآیا، درجنوں افراد بال بال بچ گئے
