بڈگام: وسطی کشمیر کے بڈگام ضلع میں دو ٹھگوں نے جادو کے نام پر ایک عورت کو ٹھگ کر اس کی محنت سے کمائی ہوئی رقم لے کر فرار ہوگئے۔ یہ واقعہ سیدھی سادی خاتون جس نے اپنی بیٹی کی شادی کے لیے 70 ہزار روپے جمع کر رکھے تھے جو گھر میں اکیلی تھیں۔ کوئی مرد رکن گھر میں موجود نہ ہونے پر ٹھگوں نے ماں بیٹی کی جوڑی کو بے وقوف بنایا۔ یہ واقعہ بڈگام کے زرگنڈ گاؤں میں 9 محرم کو پیش آیا جو اب منظر عام پر آیا ہے۔ اس بارے میں بات کرتے ہوئے مذکورہ متاثرہ خاتون کی بیٹی سلیمہ بانو اہلیہ مرحوم غلام محمد ڈار نے بتایا کہ دو افراد ان کے گھر میں اس دعوے کے ساتھ داخل ہوئے کہ وہ رقم کو دوگنا کرتے ہیں۔
یہ بھی پڑھیں:
"دونوں نے دعویٰ کیا کہ وہ لوگوں کو ان کی تکالیف کم کرنے کے لیے تعویذ فراہم کرتے ہیں۔ وہ ہمیں بتانے لگے کہ ان کے تمام مسائل حل ہو جائیں گے جب کہ ان میں سے ایک نے میری والدہ سے پوچھا کہ انہوں نے اپنی بیٹی کی شادی کے لیے رقم کہاں رکھی ہے؟ "ہم گھر میں صرف دو تھے۔ میری ماں نے ان پر بھروسہ کیا اور امید ظاہر کی کہ وہ پیسے دوگنا کر دیں گے۔ اس نے 70,000 روپے ان کے حوالے کر دیے۔ پتا نہیں پھر کیا ہوا جب میں ان کے لیے چائے بنانے کچن میں چلی گئی اور جب میں واپس آئی تو انہوں نے 10 روپے کے نوٹ سے دھاگے سے بندھا ایک وزنی پیکٹ حوالے کیا۔ ان میں سے ایک نے 9 دن کے بعد پیکٹ کھولنے کو کہا۔ ’’میں نے پیکٹ کا وزن چیک کیا اور سوچا کہ پیسے ہیں لیکن آج جب ہم نے اسے کھولا تو کاغذ کے ٹکڑے تھے۔‘‘
انہوں نے کہا کہ انہوں نے پولیس اسٹیشن میں شکایت درج کرائی ہے۔ متاثرہ سلیمہ نے بتایا کہ اس سے چھینے گئے پیسے اس کی بیٹی کی شادی کے لیے تھے۔ اس ضمن میں ایک اہلکار نے بتایا کہ جوں ہی متاثرہ خاتون نے ہم سے رابطہ کیا اور ان کے ساتھ پیش آئے اس واقعہ کی مکمل تفصیل پولیس کو بتائی۔ ہم نے اس واقعہ کے بارے تفتیش شروع کردی اور اسی درمیان میں ہمیں سی سی ٹی وی فوٹیج حاصل ہوئی ہے جس میں ان دونوں ٹھگوں کو دیکھا گیا اور ان کی شناخت کی جارہی ہے جس کے بعد دونوں ٹھگوں کو پکڑنے کی تیاریاں شروع کردی گئی ہیں۔
