اس دوران طلبا کا کہنا تھا کہ انہوں نے بارہویں جماعت میں کامیابی حاصل کرکے جب کالج میں داخلہ لینا چاہا تو یہاں ان کو داخلہ نہیں مل رہا ہے۔ جبکہ انہوں نے داخلہ فارم بھر کر اسے کالج انتظامیہ کو بھی سونپا لیکن آج کافی عرصہ کے بعد کالج انتظامیہ ہمیں داخلہ نہیں دے رہا ہے۔
طلبا نے یہ بھی کہا کہ 'اس وقت جب کالجوں میں داخلے کی سرگرمیاں بند ہیں تو ہم کہاں جائیں'۔
انہوں نے کالج انتظامیہ پر الزام لگاتے ہوئے کہا کہ 'ان کی لاپروائی کی وجہ سے ان کا سال ضائع ہو جائے گا۔'
ایک طالب علم نے کہا کہ 'اگر کالج انتظامیہ کو پہلے ہی داخلہ نہیں دینا تھا تو پھر ہمیں فارم کیوں دیے گئے'۔
اس تعلق سے جب ای ٹی وی بھارت نے کالج کی پرنسپل سے بات کی تو انہوں نے کہا کہ 'کالج کی گنجائش کے مطابق وہ بچوں کو داخلہ دے رہے ہیں'۔
انہوں نے کہا کہ 'ضلع میں سات کالج ہیں اور تمام بچوں کو کسی نہ کسی کالج میں داخلہ مل ہی جائے گا۔ انہوں نے یہ بھی یقین دلایا کہ بڈگام کالج میں کیچمنٹ کے مطابق مزید سو بچوں کو داخلہ دیا جائے گا۔
