وسطی کشمیر کے ضلع بڈگام سے تعلق رکھنے والے ایک طالب علم کی لاش پنجاب کے ایک کالج میں لٹکی ہوئی پائی گئی۔
طالب علم کی شناخت بڈگام کے چیوڈارا علاقے کے عمر احد دیو کے طور پر ہوئی ہے. بتایا جارہا ہے کہ یہ طالب علم پنجاب کے آر آئی ایم ٹی کالج میں بی ایس سی ریڈیو لوجی کررہا تھا۔
رپورٹوں کے مطابق اس کی لاش آج صبح کالج کے نزدیک اس کے کمرے کے قریب لٹکی ہوئی پائی گئی۔
بتایا جارہا ہے کہ عمر دیو 2020 سے کلاج میں زیر تعلیم تھا۔
یہ بھی پڑھیں : سرینگر میں چھ دستی بم برآمد
لاش کو میڈیکل جانچ کے لئے بھیجا گیا ہے اور یہ پتہ لگانے کی کوشش کی جارہی ہے کہ موت کی وجہ کیا تھی۔
پولیس نے معاملے کو درج کرلیا ہے اور مزید تفتیش جاری ہے۔
