Artist Portrayed Rahul Bhatt: راہل بھٹ کی ہلاکٹ کے خلاف احتجاج جاری، فنکار نے پیش کیا خراج عقیدت

وسطحی کشمیر کے ضلع بڈگام کے چاڈورہ میں راہل بھٹ کو دفتر کے اندر مشتبہ عسکریت پسندوں نے گولی مار کر ہلاک کر دیا تھا۔ جس کے بعد سے ان کے گھر والے شیخ پورہ میں احتجاج کر رہے ہیں۔ وہیں آرٹسٹ نے ان کی تصویر بنا کر انہیں خراج عقیدت پیش کیا The artist paid homage by painting a picture of Rahul Bhatt۔

بڈگام: راہل بھٹ کے قتل کے بعد شیخ پورہ بڈگام میں قتل کے خلاف کشمیری پنڈت تیرہ دنوں سے مسلسل احتجاج کر رہے ہیں۔ دریں اثنا ایل جی نے 23 مئی کو شیخ پورہ پنڈت کالونی کا دورہ کیا اور پنڈتوں نے ایل کے سامنے اپنے مطالبات پیش کیے لیکن اپنا احتجاج ختم نہیں کیا۔

وہیں دوسری طرف ایک کشمیری پنڈت آرٹسٹ وکاس چودھری نے انوکھے انداز میں دیوار پر پینٹنگ بنا کر تحصیل آفس چڈورہ میں راہل کے دفتر میں پیش آنے والے واقعے کی عکاسی کی۔ اس نے اپنے دفتر کے چیمبروں میں راہل بھٹ پر ایک عسکریت پسند کی فائرنگ کی تصویر پیش کی۔

ای ٹی وی بھارت سے بات کرتے ہوئے آرٹسٹ نے کہا کہ انہوں نے یہ پینٹنگ راہل بھٹ Rahul Bhatt کو خراج عقیدت پیش کرنے کے لیے بنائی ہے۔ انہوں نے کہا کہ حکومت گہری نیند میں ہے۔ فنکار نے کہا کہ ہم یہاں کشمیر میں محفوظ نہیں ہیں۔ پی ایم پیکج کے ملازمین وادی کشمیر کے مختلف علاقوں میں تعینات ہیں، جب راہل اپنے دفتر میں محفوظ نہیں رہے تو پی ایم پیکج کے دیگر ملازمین کیسے محفوظ ہوں گے۔

• Saifuddin Soz On Rahul Bhat's Killing: راہل بھٹ کے وحشت ناک قتل سے بہت بڑا صدمہ ہوا ہے: سوز

معلوم ہوکہ 12 مئی کو ضلع بڈگام کے چاڈورہ میں راہل بھٹ کو دفتر کے اندر مشتبہ عسکریت پسندوں نے گولی مار کر ہلاک کر دیا تھا۔ جس کے بعد وادی کشمیر اور دیگر علاقوں میں کشمیری پنڈتوں اور سیاسی و سماجی جماعتوں کے لوگوں نے پر زور الفاظ میں اس قتل کی مذمت کی۔ اس کے بعد سے اب تک شیخ پورہ پنڈت کالونی میں پنڈت برادری سے تعلق رکھنے والے درجنوں لوگ احتجاج کر انصاف مانگ رہے ہیں۔