بڈگام: یوم آزادی کی تیاریوں کے لئے جائزہ میٹنگ

یوم آزادی کی تقریبات ضلع بڈگام کی ہر پنچایت میں منعقد کی جائیں گی۔ اس بات کا اعلان ضلع ترقیاتی کمشنر بڈگام شہباز احمد مرزا نے کیا ہے۔ انہوں نے کہا کہ سب سے بڑی تقریب اسپورٹس اسٹیڈیم بڈگام میں منعقد کی جائے گی۔

ضلع بڈگام میں یوم آزادی کی تیاریوں کے لیے جائزہ میٹنگ منعقد ہوئی میٹنگ کی صدارت ڈی سی بڈگام شہباز احمد مرزا نے کی۔

میٹنگ میں پولیس کے اعلیٰ افسران سمیت ضلع کے تمام ڈپارٹمنٹس کے افسران نے شرکت کی۔
تقریب کہ جانکاری دیتے ہویے شہباز مرزا نے کہا کہ اسپورٹس اسٹیڈیم بڈگام میں تقریب کا آعاز شہنائی کے ساتھ شروع کیا جائے گا اسکے بعد ترنگا لہرایا جائےگا۔

چیف گیسٹ مارچ پاسٹ کی سلامی لے گا۔انہوں نے کہا کہ مارچ پاسٹ مین جموں کشمیر پولیس، آرمڈ پولیس، سی آر پی ایف، ہوم گارڈس، فائر اینڈ ایمرجنسی، این سی سی کے علاوہ اسکولی بچے بھی شرکت کریں گے۔

انہوں نے یہ بھی جانکاری دی کہ مارچ پاسٹ کے بعد کلچرل پروگرام منعقد ہونگے۔
میٹنگ میں ڈی سی نے تمام محکموں کو ہدایت دی کہ یوم آزادی کی تقریبات کو منعقد کرنے کے لیے تمام تر تیاریوں کو مکمل کیا جائے تاکہ تقاریب پر امن اور بہتر طریقے سے منعقد ہو۔

انہوں نے ہدایت دی کہ اسپورٹس اسٹیدیم میں پانی کے علاوہ پارکنگ، اور لوگوں کے لیے بیٹھنے کی جگہ کا انتظام کیا جائے۔

وہیں محکمہ ہیلتھ کو ہدایت دی گئی کہ تقریب کی جگہ پر کووڈ سیمپلنگ کے ساتھ ساتھ پیرا میڈیکل اسٹاف کو وہاں پر تعینات کیا جائے اور ایمبولینس بھی موجود ہو۔