وسطی کشمیر کے ضلع بڈگام میں جمعرات کو ایک سڑک حادثے کے دوران تیز رفتار ٹپر اور موٹر سائیکل کے مابین ٹکر کے نتیجے میں موٹر سائیکل سوار شدید طور پر زخمی ہوا ہے۔
یہ حادثہ قصبہ بڈگام کے میرگنڈ علاقے میں جمعرات کو اس وقت پیش آیا جب ایک ٹپر زیر رجسٹریشن نمبر JK13—5911 دوسری سمت سے آرہے موٹر سائیکل سے ٹکرا گیا۔
ٹکر کے نتیجے میں وترنی بڈگام کے رہنے والے موٹر سائیکل سوار 30 سالہ محمد یوسف میر ولد غلام حسن شدید زخمی ہو گیا۔
حادثے کے فوراً بعد محمد یوسف کو نزدیکی طبی مرکز پہنچایا گیا جہاں ابتدائی طبی امداد کے بعد انہیں نازک حالت میں سرینگر کے ایس ایم ایچ ایس اسپتال منتقل کیا گیا۔
محمد یوسف کی حالت تشویشناک بتائی جا رہی ہے۔ اس ضمن میں پولیس نے معاملہ درج کرکے مزید تحقیقات شروع کر دی ہے۔
