بڈگام میں محکمے وائلڈ لائف ٹیم کی بڑی کامیابی

ضلع بڈگام میں محکمے وائلڈ لائف کی ٹیم نے ایک تیندوے کو اومپورہ کی ہاوسنگ کالونی سے پکڑنے کے بعد اپنے عملے کو ہوشیار رہنے کی ہدایت دی ہے کیونکہ اس کی وجہ سے نر تیندوا اور اس کے بچے بھی علاقے میں آسکتے ہیں۔

وسطی کشمیر کے ضلع بڈگام میں محکمے وائلڈ لائف کی ٹیم نے آج ایک تیندوے کو اومپورہ کی ہاوسنگ کالونی سے شام کے وقت زندہ پکڑ لیا گیا۔

وائلڈ لائف محکمے کے آفیسر نے اس ضمن میں بتایا کہ دراصل 12 مارچ سے اس علاقے کے اطراف میں تیندوے کے گروپ کو دیکھا گیا تھا، جس میں سے آج ایک کو بڑے احتیاط اور ہوشیاری کے ساتھ پکڑا گیا ہے، پکڑے گئے تیندوے کو داچھی گام نیشنل پارک یا پھر کسی دوسرے جنگلی علاقے میں چھوڑا جائے گا۔

انھوں نے مزید کہا کہ ’’ہم نے اپنے محکمے کے نوجوانوں کو ہوشیار رہنے کی ہدایات دی ہے کیونکہ اس پکڑے گئے تیندوے کی وجہ سے نر تیندوا اور ان کے بچے آسکتے ہیں جو علاقے میں موجود ہوسکتے ہیں۔‘‘

انھوں نے عوام سے بھی گزارش کی ہے کہ اگر اپنے علاقوں میں تیندوے یا ان کے بچے کو کہیں بھی دیکھیں تو فوراً وائلڈ لائف ڈپارٹمنٹ کو اطلاع کریں تاکہ ہمارے محکمے کا عملہ ان کو زندہ پکڑ لیں تاکہ کسی بھی ناخوشگوار واقع کے پیش آنے سے پہلے ہی روکا جاسکے ہے۔