وسطی کشمیر کے ضلع بڈگام میں برفباری کے پیش نظر گاوں کو شہر سے جوڑنے والی سڑکوں پر چار دن بعد برف ہٹائی گئی، جس کی وجہ سے انتظامیہ کی ناقص کارکردگی منظر عام پر آئی ہے۔
سڑکوں پر برفباری کی وجہ سے کھاگ، بیروہ، آریزال، خان صاحب اور پکھر پورہ علاقوں کے لوگوں کو شدید مشکلات کا سامنا کرنا پڑا۔ وہیں تحصیل ہیڈکوارٹر کو ضلع ہیڈ کوارٹر سے جوڑنے والی رابطہ سڑکوں سے برف ہٹائی گئی ہے مگر ان پر فی الحال صرف ایک گاڑی کے چلنے کی گنجائش ہے۔
بیروہ کے بس اسٹینڈ سے بھی پوری طرح برف نہیں ہٹائی گئی۔ جس سے گاڑیوں کو مین روڈ پر ہی رکنا پڑ رہا ہے۔ جو ٹریفک جام کا سبب بنا ہوا ہے۔
یہ بھی پڑھیے
کشمیر: موسم میں بہتری، قومی شاہراہ ہنوز بند
کل بعد دوپہر اگر چہ موسم نے کروٹ بدلی اور لگاتار برفباری کے بعد دھوپ کھلی۔ جس کے باوجود انتظامیہ سڑکوں سے برف صاف کرنے میں ناکام رہا۔ چلے کلان ہونے کی وجہ سے آج برف جم گئی ہے۔ جس کی وجہ سے برف ہٹانے میں کافی دشواریوں کا سامنا کرنا پڑرہا ہے۔
ای ٹی وی بھارت کے نمائندے نے مختلف ورک سپر وائیزرز اور جے ایز سے ٹیلی فون پر بات کی تو انھوں نے بتایا کہ ہم کل صبح سے ہی کام کر رہے ہیں اور برفباری بہت زیادہ ہو رہی ہے۔ جس کو صاف کرنے میں قافی وقت صرف ہو رہا ہے۔
