وسطی کشمیر میں ضلع بڈگام کے چاڈورہ علاقے میں جمعہ کو بی ڈی او دفتر میں بحیثیت سی آئی سی آپریٹر کام کر رہے ایک شخص کو 4400 روپے رشوت لیتے ہوئے رنگے ہاتھوں گرفتار کیا گیا۔
ذرائع کے مطابق چاڈورہ کے بی ڈی او دفتر میں کام کر رہے ایک آپریٹر نے ایک شخص سے ایس بی ایم کے تحت رقم واگزار کرانے کے عوض میں رشوت طلب کی تھی۔
مذکورہ شخص نے اے سی بی کو اس کی شکایت کی جس کے بعد ایس بی ایم نے کارروائی کرتے ہوئے سرکاری ملازم کو رشوت لیتے ہوئے رنگے ہاتھوں دبوچ لیا۔
ذرائع نے مزید بتایا کہ سرکاری ملازم نے اس کام کے عوض اُس شخص سے 4400 روپے طلب کیے تھے جسے ایس بی ایم نے رنگے ہاتھوں دھر لیا۔
اس ضمن میں پولیس نے معاملہ درج کرکے مزید تحقیقات شروع کر دی ہے۔
