اینٹی کرپشن بیورو نے ہاؤس کیپنگ میں ٹینڈر دھوکہ دہی کے معاملے میں جموں و کشمیر بینک کے سابق چیئرمین پرویز احمد نینگرو کو باضابطہ طور پر گرفتار کر لیا ہے۔
ذرائع کے مطابق پرویز نے ممبئی کی ایک کمپنی کو اصولوں کے خلاف ٹینڈر دیا تھا۔ اس ٹینڈر کی وجہ سے بینک کو 62956575 روپے کا نقصان ہوا تھا۔
ذرائع کے مطابق پرویز اور دیگر چار افراد کے خلاف یہ مقدمہ گذشتہ سال اکتوبر میں درج کیا گیا تھا۔ ان پر الزام ہے کہ ان لوگوں نے ممبئی میں قائم میسرس سیلا سولیوشنس پرائیویٹ لمیٹڈ کو ہاؤس کیپنگ کے ٹینڈر دیے تھے جبکہ ٹینڈرنگ کے مناسب اصولوں پر عمل نہیں کیا گیا تھا۔
یہ بھی پڑھیں: نامعلوم افراد نے بینک کی کیش گاڑی کو لوٹ لیا
اسی وجہ سے بینک کو بھاری نقصان اٹھانا پڑا۔ اب آج اے سی بی کی ٹیم نے پرویز نینگرو کے گھر پر چھاپہ مارا اور انہیں گرفتار کر لیا ہے۔ معاملے میں تحقیقات جاری ہیں۔
