پولیس نے اس تعلق سے اطلاع دیتے ہوئے بتایا کہ 'ان دکانداروں نے کرفیو کہ خلاف ورزی کرتے ہوئے اپنی دکانیں کھول رکھی تھیں۔ گرفتار شدہ دکانداروں کی شناخت کرال پورہ کے طارق احمد، عبدالرشید گوگو کے شہباز احمد، محمد اشرف اور کانیہامہ کے ارشد قادر کے طور پر ہوئی ہے۔ پولیس نے لوگوں سے اپیل کی کہ 'کورونا گائڈ لائنز پر عمل کریں اور غیر ضروری طور پر اپنے گھروں سے باہر نہ نکلیں تاکہ کورونا وائرس کو مزید پھیلنے سے روکنے میں مدد ملے۔
واضح رہے کہ جموں کشمیر میں کورونا وائرس کے معاملوں میں لگاتار اضافہ دیکھنے کو مل رہا ہے۔ اس کے ساتھ ساتھ ضلع بڈگام میں بھی کورونا وائرس کافی تیزی سے پھیل رہا ہے۔
سڑکوں پر لوگوں کی نقل و حرکت کو کم کرنے کے لیے ضلع بھر میں کورونا کرفیو نافذ ہے اور اس کی خلاف ورزی کرنے والوں کے خلاف لگاتار کاروائی جاری ہے۔
