بڈگام: بڈگام پولیس کا کہنا ہے کہ پولیس تھانہ بیروہ کی ایک پارٹی معمول کی گشت پر تھی جس دوران انہوں نے ایک شخص کو دو تھیلے مشکوک حالت میں لے جاتے ہوئے دیکھا۔ بڈگام پولیس کے مطابق انہوں نے اس شخص کو رکنے کا اشارہ کیا تو اس نے موقع سے فرار ہونے کی کوشش کی لیکن پولیس پارٹی نے اسے فوری طور دھر دبوچا۔
بڈگام پولیس کا کہنا ہے کہ اُس شخص کی تحویل سے دو بھرے ہوئے تھیلے ضبط کئے گئے جن کی تلاشی لینے پر 7کلو گرام پوست کا بھوسہ برآمد گیا۔ Budgam Police Arrested Drug Peddlerپولیس کے مطابق پوست کے بھوسہ کو ضبط کرکے منشیات فروش کو پولیس اسٹیشن بیروہ میں حراست میں رکھا گیا ہے۔ انہوں نے حراست میں لیے گئے منشیات فروش کی شناخت مشتاق احمد بٹ ولد ثناء اللہ بٹ ساکنہ بنڈگام کے طور پر کی ہے۔
اس ضمن میں این ڈی پی ایس ایکٹ کے تحت ایک ایف آئی 73/2022 درج کرکے مزید تحقیقات شروع کر دی گئی ہے۔
- مزید پڑھیں: بڈگام: منشیات کے جرم میں لیکچرر گرفتار
