DC Budgam Visits Charar-e-Sharief ڈی سی بڈگام نے چرار شریف اور ریگینیا ماتا استھپن مندر میں جاری کاموں کا جائزہ لیا

ڈی سی بڈگام اکشے لابرو نے زیارت شریف شیخ العالم شیخ نورالدین ولیؒ چرار شریف اور ریگینیا ماتا استھاپن مندر بڈی پورہ کا دورہ کیا۔ اس دوران انہوں نے وہاں جاری ترقیاتی کاموں کا جائزہ بھی لیا۔

بڈگام:وسطی کشمیر کے ضلع بڈگام میں ڈپٹی کمشنر بڈگام اکشے لابرو نے منگل کے روز چرار شریف میں زیارت شیخ نور الدین نورانیؒ اور ریگینیا ماتا استھاپن مندر پر حاضری دی۔ درگاہ پر حاضری دینے کے بعد ڈی سی نے ترقیاتی کاموں کا تفصیلی جائزہ لیا۔ پراجیکٹس کے معائنے کے دوران ڈی سی نے متعلقہ افراد کو ہدایت کی کہ وہ زیر التواء کاموں کو مقرر وقت میں مکمل کریں۔

انہوں نے زیارت شریف شیخ نور الدین ؒ کے سینٹری کمپلیکس اور سڑک کے منصوبے کی پیش رفت، پکھیر پورہ کے مزار تک جانے والی سڑک، اسپرنگ ڈویلپمنٹ اور بیوٹیفکیشن کے کاموں کا بھی جائزہ لیا۔ ڈی سی نے بعد میں بدی پورہ میں ریگینیا ماتا استھاپن اور چرار شریف اور پاکھر پورہ علاقوں میں دیگر ترقیاتی کاموں کے منصوبوں کی پیش رفت کا جائزہ لیا۔

ڈی سی کے ہمراہ ایس ڈی ایم چاڈورہ، مختلف انجینئرنگ ونگز کے ایگزیکٹیو انجینئر، تحصیلدار اور دیگر متعلقہ افراد بھی موجود تھے۔ ڈی سی نے درگاہ شیخ العالم، چرار شریف میں حکام کو ہدایت دی کہ وہ وضو خانہ میں الیکٹریکل، سینیٹری، ٹائل بچھانے سمیت زیر التواء کاموں کو کم سے کم وقت میں مکمل کریں، تاکہ اسے عام لوگوں کے لیے وقف کیا جا سکے۔
بعد ازاں ڈی سی نے سید عالی بلخی پکھیر پورہ کی درگاہ اور ریگینیا ماتا استھپن مندر بادی پورہ کا بھی دورہ کیا اور وہاں جاری ترقیاتی کاموں کا جائزہ لیا۔