وسطی کشمیر میں ضلع بڈگام کے چاڈورہ علاقے میں جمعے کو کووڈ-19 کے دوران عائد پابندیوں اور دفعہ 144 کی خلاف ورزی کی پاداش میں ایک گوشت فروش کی دکان کو سربمہر کیا گیا۔
چاڈورہ میں ایک گوشت فروش کے متعلق کووڈ-19 کے چلتے انتظامیہ کی جانب سے عائد پابندیوں، سماجی دوری کے اصولوں اور دفعہ 144 کی خلاف ورزی کی شکایت ایس ڈی ایم چاڈورہ کو موصول ہوئی۔
شکایت موصول ہونے پر ایس ڈی ایم چاڈورہ نے ایگزیکٹیو آفیسر میونسپل کمیٹی چاڈورہ، محکمہ سی اے پی ڈی اور محکمہ مال کی ایک ٹیم تشکیل دی اور موقع پر روانہ کیا۔ جنہوں نے موقعے پر پہنچ کر دوکان کو سر بمہر کیا۔
