بڈگام: وسطی کشمیر کے ضلع بڈگام میں پولیس نے کارروائی کرتے ہوئے غیر قانونی لکڑی برآمد کیا ہے۔ ساتھ ہی ملزم اسمگلر کو موقع پر گرفتار کر لیا گیا ہے۔ دراصل پولیس تھانہ بیرواہ کو اطلاع ملی تھی کہ وتلپورہ پورہ کے ایک شخص نے اپنے رہائشی مکان میں بھاری مقدار میں غیرقانونی لکڑی رکھی ہے، ملزم اسمگلر اسے دوسرے علاقوں میں اسمگل کرنے کی منصوبہ بندی اور مناسب وقت کا انتظار کر رہا تھا۔ Illicit Timber Seized in Budgam
اسی مناسبت سے تھانہ بیرواہ کی پولیس پارٹی نے ایک مخصوص مقام پر چھاپہ مار کر اس کے قبضے سے غیر قانونی لکڑی کے پانچ لاگ برآمد کر لئے ہیں۔ ملزم اسمگلر کو موقع پر گرفتار کر لیا گیا ہے۔ ملزم اسمگلر کی شناخت محمد اسلم ملک ولد محمد سلطان ملک ساکن وتلپورہ پورہ کے طور پر ہوئی ہے۔ اس ضمن میں ایک ایف آئی آر زیر نمبر 135/2022 متعلقہ دفعات کے تحت پولیس اسٹیشن بیرواہ میں درج کیا گیا ہے۔ پولیس نے معاملے کی تحقیقات شروع کردی ہے۔
یہ بھی پڑھیں: Illicit Timber Seized in Tral: ترال میں غیر قانونی لکڑی ضبط
