بڈگام: بڈگام پولیس نے پولیس یادگاری دن یعنی 21 اکتوبر سے 31 اکتوبر تک ضلع بھر میں مخلتف کھیل میلوں کا انعقاد کیا ہے ان میلوں میں ضلع بھر کے مختلف اسکولوں کے کھیلاڑی شرکت کر رہے ہے۔۔ اسی کڑی کے تحت آج سپرنگ بڈس ایجوکیشنل انسٹی ٹیوٹ اومپورہ میں 'کھو کھو چیمپئن شپ' کا انعقاد کیا گیا۔ اس چیمپین شپ میں چار ٹیموں نے شرکت کی جن میں سپرنگ بڈز ایجوکیشنل انسٹی ٹیوٹ اومپورہ،بڈگام ریڈز، بڈگام اورنجز اور بڈگام بلیوز شامل ہے۔
مزید پڑھیں: Police Commemoration Day بڈگام میں پولیس یادگاری دن منایا گیا
چیمپئن شپ کا فائنل سپرنگ بڈز ایجوکیشنل انسٹی ٹیوٹ اور بڈگام اورنجز کے درمیان کھیلا گیا جس میں سپرنگ بڈز ایجوکیشنل انسٹی ٹیوٹ اومپورہ تین پوائنٹس سے فاتح قرار دی گئی۔ایس ایچ او پولیس اسٹیشن بڈگام انسپکٹر آفتاب احمد نے فاتح ٹیم اور رنرز اپ ٹیم کو ٹرافیاں پیش کیں۔ کھیل کے بعد تمام شریک کھلاڑیوں کو ریفریشمنٹ فراہم کی گئی۔
