بڈگام پولیس نے ایس ایس پی طاہر سلیم کی ہدایت پر عمل کرتے ہوئے ڈی ایس پی فیاض گیلانی اور ایس ایچ او بڈگام محبوب کی قیادت میں پولیس نے اولڈ بس اسٹاپ میں غلط طریقے سے گاڑیوں کو پارک کرنے اور دکانداروں کے ذریعہ فٹ پاتھ سامان رکھنے کے خلاف کاروائی کی۔
پولیس نے اولڈ بس اسٹاپ پر مسافر گاڑیوں کو نئے بس اسٹاپ بڈگام منتقل کیا اور اس دوران کسی بھی گاڑی کو اولڈ بس اسٹاپ پر رکنے کی اجازت نہیں دی جا رہی ہے۔ پولیس کی ٹیم لگاتار اولڈ بس اسٹاپ پر تعینات ہے اور خلاف ورزی کرنے والوں پر کاروائی کر رہے ہیں۔
پولیس کی ٹیم لاؤڈ اسپیکر کے ذریعے بھی دکانداروں اور گاڑیوں کے مالکان سے اپیل کر رہی ہے کہ وہ پٹریوں پر سامان نا رکھیں اور گاڑیوں کی غلط پارکنگ نا کریں۔ وہیں پولیس مسافروں سے بھی اپیل کر رہی ہے کہ وہ نئے بس اسٹاپ سے گاڑیوں میں سوار ہوں کیونکہ اولڈ بس اسٹاپ پر کسی بھی گاڑی کو رکنے نہیں دیا جائے گا۔
یہ بھی پڑھیں: بڈگام: شکایت کے بعد سڑک سے برف کی صفائی
ایس ایس پی بڈگام طاہر سلیم نے ای ٹی وی بھارت کو جانکاری دیتے ہوئے کہا کہ انہوں نے یہ مہم اس لئے شروع کی تاکہ لوگوں کو دشواریوں کا سامنا نہ ہو۔
انہوں نے کہا کہ غلط طریقے سے گاڑی پارک کرنے والے افراد کی وجہ سے سڑکوں پر ٹریفک جام لگ جاتا ہے۔ انہوں نے کہا کہ جب نیا بس اڈا یہاں پر موجود ہے تو مسافر گاڑیاں وہاں پر ہی رہنی چاہیے تاکہ سڑک ٹریفک کی نقل و حمل کے لئے کھلی رہے۔
