پولیس اسٹیشن بیروہ میں ایس ڈی پی او ماگام محمد سلیم لون نے پبلک آؤٹ ریچ پروگرام کی صدارت کی اور ان کے ساتھ ایس ایچ او بیروہ انسپکٹر فردوس احمد بھی موجود تھے۔اس میٹنگ میں بھٹی مالکان نے بھی شرکت کی جو اس تھانہ کے حدود میں آتے ہیں۔
Interaction Meetings At PS Magam
اجلاس کے دوران اینٹوں کے نرخوں کے علاوہ اوور لوڈنگ، ترپال کی غلاف کا استعمال، ٹپروں کی تیز رفتاری (اوور سپیڈنگ) وغیرہ پر تبادلہ خیال کیا گیا۔ اینٹوں کے بھٹے کے مالکان نے اس سلسلے میں اپنے بھرپور تعاون کا یقین دلایا۔
اسی طرح تھانہ ماگام میں اس ادارے کے ایس ایچ او انسپکٹر گوہر احمد کی زیر صدارت میں اجلاس منعقد ہوا جس میں قصبہ ماگام میں واقع تمام کوچنگ سینٹرز کے سربراہان نے شرکت کی۔
میٹنگ کے دوران ایس ایچ او ماگام نے شرکاء پر زور دیا کہ وہ نوجوان طلبہ کو منشیات کے مضر اثرات اور اس کی وجہ سے ہونے والی بربادی سے آگاہ کریں۔ اور نوجوانوں کو مثبت انداز میں اخلاقی رویہ اپنانے کی ترغیب دیں جو ہمیشہ روشن مستقبل کی طرف لے جاتا ہے۔
مزید پڑھیں:Campaign to Prevent Drug Addiction:'منشیات کے پھیلاؤ کو روکنے کے لیے عوام سے تعاون طلب'
آخر میں دونوں جگہوں کے پروگراموں میں چیئرنگ آفیسرز نے شرکاء کا شکریہ ادا کیا اور ان کو اپنے وعدے پر قائم رہنے کی ہدایت دی۔
