بڈگام: بڈگام کے بیروہ علاقے کے رٹھسن گاؤں میں پولیس نے دو لکڑی اسمگلروں کو گرفتار کیا ہے۔ پولیس نے ان اسمگلروں کے قبضے سے غیرقانونی طور پر کاٹی گئی لکڑی بھی ضبط کر لی۔Timber Seized In Budgam
تفصیلات کے مطابق رٹھسن کراسنگ پر ناکہ چیکنگ کے دوران پولیس پارٹی بیروہ نے ایک لوڈ کرئیر رجسٹریشن نمبر JK13E-8766 کی تلاشی لی۔ چیکنگ کے دوران پولیس نے گاڑی سے 39 لکڑی کے لٹھے (Wooden Logs) برآمد کیے۔ یہ لٹھے غیر قانونی طور پر سمگل کیے جارہے تھے۔
مزید پڑھیں:
پولیس نے اس سلسلے میں گاڑی میں سوار دو اسمگلروں کو موقع پر ہی گرفتار کر لیا۔ گرفتار شدہ افراد کی شناخت سراج الدین بھٹ ولد غلام احمد بھٹ اور سجاد احمد بھٹ ولد ثناء اللہ بھٹ کے طورِ پر ہوئی ہے جو رٹھسن بیروہ کے رہائشی ہیں۔ پولیس نے اس سلسلے میں لوڈ کرئیر کو بھی ضبط کر لیا۔ اس ضمن میں پولیس اسٹیشن بیروہ میں ایک ایف آئی آر زیرِ نمبر 56/2022 درج کی گئی اور مزید تفتیش شروع کر دی گئی ہے۔
