بڈگام: وسطی کشمیر کے ضلع بڈگام میں جموں و کشمیر پولیس نے منشیات کے خلاف کارروائی کرتے ہوئے ایک منشیات فروش کو گرفتار کیا ہے ۔ منشیات فروش کے قبضے سے ممنوعہ مادہ برآمد کیا۔
پولیس کے مطابق کمرو کراسنگ کے قریب معمول کی گشت کے دوران پولیس پارٹی نے ایک شخص کو مشکوک حالت میں گھومتے ہوئے دیکھا۔ پولیس نے مذکورہ شخص کو روکنے کا اشارہ کیا۔ پولیس پارٹی کو دیکھ کر اس نے موقع سے فرار ہونے کی کوشش کی تاہم پولیس نے اس کا پیچھا کر کے اسے گرفتار کیا ہے۔تلاشی کے دوران پولیس نے مذکورہ شخس کے قبضے سے 1,260 گرام چرس جیسی اشیاء برآمد کی۔
مزید پڑھیں: Drug Peddlers Booked Under PSA بڈگام میں پانچ منشیات فروش پی ایس اے کے تحت گرفتار
گرفتار شدہ منشیات فروش کی شناخت 22 سالہ محمد مقبول ملک (عرف عام ساحل) ولد غلام نبی ملک ساکنہ وارگام (بڈگام) کے طور پر ہوئی ہے ۔اس ضمن میں پولیس نے ایف آئی آر زیرِ نمبر 149/2022 این ڈی پی ایس ایکٹ کی متعلقہ دفعات کے تحت پولیس اسٹیشن بیروہ میں درج کیا ہے۔
