وسطی کشمیر کے ضلع بڈگام میں پولیس نے منشیات کے خلاف اپنی مہم جاری رکھتے ہوئے آج ایک منشیات فروش کو گرفتار کیا ہے جس کے قبضے سے ممنوعہ اشیاء بھی برآمد کی گئی ہیں۔
پولیس اسٹیشن خانصاحب کی ایک خصوصی ٹیم نے رئیار چوک پر نائٹ پٹرولنگ کے دوران ایک مشکوک شخص کو گرفتار کیا تھا، جس سے پوچھ گچھ اور تلاشی لینے پر اس کے قبضے سے 110 گرام ممنوعہ اشیاء بھی برآمد کی ہے۔
پولیس نے گرفتار منشیات فروش کی شناخت فردوس احمد پیر عرف مٹھا ولد غلام محمد پیر کے طور پر کی ہے جو کہ رئیار خانصاحب کا رہنے والا ہے۔ اس ضمن میں پولیس اسٹیشن خانصاحب میں ایک ایف آئی آر درج کی گئی ہے جو کہ این ڈی پی ایس ایکٹ قانون کے تحت رجسٹر ہوئی ہے۔ جب کہ اس سلسلہ میں مزید تحقیقات جاری ہیں۔
