جموں و کشمیر کے وسطی ضلع بڈگام کے علاقہ پٹھان پورہ میں سرچ آپریشن کے دوران گولیوں کی آواز سُنائی دی۔ تاہم عسکریت پسند فرار ہونے میں کامیاب ہوئے۔
سکیورٹی فورسز نے مزکورہ مقام سے ایک پستول، ایک گرینیڈ، تین میگزین اور ایک بٹوا برامد کیا ہے۔
اہلکاروں نے اس دوران دو افراد کو بھی گرفتار کیا ہے۔
اس سے قبل جموں و کشمیر پولیس، آرمی اور سی آر پی ایف کو مذکورہ علاقہ میں عسکریت پسندوں کی موجودگی کی اطلاع ملی تھی، جس کے بعد ایک وسیع علاقہ میں تلاشی مہم شروع کی گئی۔
سکیورٹی فورسز جب ایک مخصوص مقام کی طرف پہنچے تو وہاں عسکریت پسندوں اور سکیورٹی فورسز کے درمیان گولیوں کا تبادلہ ہوا۔
مختصر دورانیہ تک گولیوں کا تبادلہ ہونے کے بعد علاقہ میں خاموشی ہے۔ تاہم سکیورٹی فورسز نے مشتبہ عسکریت پسندوں کی تلاش میں محاصرے کا دائرہ وسیع کر دیا۔ تازہ ترین اطلاعات کے مطابق عسکریت پسند سکیورٹی فورسز کو چمکہ دیکر فرار ہونے میں کامیاب ہوئے۔
