علیٰحدگی پسند رہنما سید علی شاہ گیلانی کا گذشتہ رات انتقال ہو گیا۔ رات کو سید علی شاہ گیلانی کی تدفین عمل میں لائی گئی۔ ذرائع کے مطابق تدفین کے وقت کچھ ہمسایہ اور کچھ رشتہ دار موجود تھے۔ گیلانی کی تدفین حیدر پورہ کے قبرستان میں عمل میں لائی گئی۔
گیلانی کی موت کے بعد سرینگر میں بندشیں عائد کی گئیں۔
آئی جی روڈ پر بھاری تعداد میں سکیورٹی کو نافذ کیا گیا اور صرف ایئرپورٹ کی جانب جانے والی گاڑیوں کو ہی چلنے کی اجازت دی جارہی ہے۔
گیلانی کی رہائش کی جانب کسی کو بھی جانے کی اجازت نہیں ہے۔
ذرائع کے مطابق گیلانی کی رہایش گاہ پر کچھ رشتہ دار موجود تھے۔ ان کی رہائش گاہ کی جانب جانے والی سڑک کو سیل کیا گیا ہے اور بڑی تعداد میں سکیورٹی فورسز کو تعینات کیا گیا ہے۔
گیلانی کی موت کے بعد وادی بھر میں موبائل خدمات کو معطل کیا گیا ہے۔
ہم آپ کو بتا دیں کہ گیلانی بانوے سالہ تھے اور گذشتہ شب تقریباً ساڑھے دس بجے ان کی موت ہوئی۔
مزیزد پڑھیں:سید علی شاہ گیلانی حیدر پورہ میں سُپرد خاک
گیلانی کافی وقت سے علیل تھے اور کئی مرتبہ ان کی موت کی افواہیں اڑ چکی تھیں۔
آج ان کا انتقال ہوا اور صبح پانچ بجے کے قریب ان کی تدفین عمل میں لائی گئی۔
