جموں وکشمیر کے ضلع بڈگام میں خانصاحب علاقے کے زوگو گاؤں کے ایک رہائشی مکان میں شاٹ سرکٹ ہونے کی وجہ سے آگ لگ گئی اور دیکھتے ہی دیکھتے آگ نے پورے مکان کو اپنی زد میں لے لیا جس کے نتیجے میں پورا مکان مکمل طور پر خاکستر ہو گیا۔
آگ کی خبر پورے علاقے میں پھیل گئی اور وہی فون پر فائر بریگیڈ کو بھی مطلع کیا گیا مگر آگ اتنی تیز تھی کہ ان کے پہنچنے سے پہلے ہی آگ نے مکان ؤ گاؤں خانے کو خاکستر کر دیا. ضلع انتظامیہ کی جانب سے اب تک مزکورہ خاندان سے کسی نے کوئی رابطہ نہیں کیا ہے جس کی وجہ سے اب مکان مالک عبدالاحد خان کا اہل و عیال سرما کے دوران بے یارو مددگار ہے ۔
مکان مالک عبدالاحد نے ای ٹی بھارت کو بتایا کہ' میں ایک سفید پوش آدمی ہو اور میری آمدنی بھی بہت زیادہ قلیل ہے جس کی وجہ سے اب میرا کوئی سہارا نہیں ہے۔ میں اپنے گھر سے کچھ بھی بچھا نہیں پایا ہمارے پاس اب کچھ بھی نہیں باقی رہا ہے اس لیے میں ضلع انتظامیہ سے گزارش کرتا ہوں کہ مجھے جلد از جلد امداد فراہم کرے تاکہ میں اپنے گھر کو پھر سے تعمیر کر سکھو اور اپنے عیال کو سردی کے ان عیام میں چھت مہیا کر سکھو۔'
