ریاست بہار کے ضلع مدھے پورہ میں اسلحہ کے ساتھ تصاویر کھینچ کر سوشل میڈیا پر پوسٹ کرنے والے نوجوان کو پولیس نے دو دیسی کٹا اور 8 زندہ کارتوس کے ساتھ گرفتار کرکے جیل بھیج دیا۔
اطلاعات کے مطابق یہ معاملہ مدھے پورہ ضلع کے چوسا تھانہ حلقہ کے رسول پور دھوریہ پنچایت کا ہے۔ جہاں کچھ دن قبل رسول پور دھوریہ پنچایت کا رہائشی سونو کمار غیر قانونی ہتھیار کے ساتھ ایک تصویر کھینچ کر سوشل میڈیا پر پوسٹ کیا تھا۔
ویڈیو
اس معاملے کی جانکاری ملنے پر پولیس نے کاروائی کرتے ہوئے نوجوان کے گھر پر چھاپہ ماری کی جہاں سے پولیس ٹیم کو دو دیسی پستول اور 8 زندہ کارتوس برآمد ہوئے۔
میڈیا سے گفتگو کرتے ہوئے چوسا تھانہ صدر جے پرکاش چودھری نے بتایا کہ 'اس معاملے میں نوجوان کو گرفتار کرکے جیل بھیج دیا گیا ہے ۔
