محکمہ صحت کے پرنسپل سکریٹری سنجے کمار نے بتایا کہ مظفرپور ضلع کے مسہری میں 22, 14 اور 31 سال کے تین شخص و ضلع ارول کے چامنڈی میں 29 سال کے نوجوان اور سدرام پور میں 14 سال کے نابالغ میں کورونا کی تصدیق ہوئی ہے۔ انہوں نے بتایا کہ متاثرین کے رابطہ میں آئے لوگوں کے بارے میں معلوم کیا جا رہا ہے۔
مظفرپور سے موصول رپورٹ کے مطابق سری کرشنا میڈیکل کالج ہسپتال (ایس کے ایم سی ایچ) کے ڈائریکٹر ڈاکٹر سنیل شاہی نے بتایا کہ تینوں مزدور کل ہی کیرلہ کے ارنا کولم سے مزدور ایکسپریس سے مظفر پور آئے تھے۔ یہاں ان کی اسکریننگ ہوئی، جس میں کورونا کی علامات پائی گئیں۔
انہوں نے بتایا کہ تینوں کو پہلے مظفر پور صدر ہسپتال میں بنے قرنطینہ مرکز میں رکھا گیا تھا، جہاں سے ان کا سیمپل جانچ کے لیے ایس کے ایم سی ایچ بھیج دیا گیا، آج موصول ہوئی رپورٹ میں انفکشن کی تصدیق ہونے کے بعد اب تینوں کو کورونا کیئر سنٹر میں رکھا جائے گا۔
