دربھنگہ: وارڈ سیکریٹری یونین نے احتجاج کیا

ریاست بہار میں وارڈ سیکریٹری یونین کے بینر تلے ضلع دربھنگہ کے مختلف پنچایتوں میں کام کر رہے، درجنوں وارڈ سیکریٹری نے لہیریا سرائے واقع کلکٹر دفتر کے سامنے احتجاجی مارچ نکال کر احتجاج کیا۔ ان لوگوں کا مطالبہ ہے کہ ان کو وارڈ سکریٹری کے پوسٹ پر مستقل کرنا اور تنخواہ دینا شامل ہے۔

واضح رہے کہ ریاستی حکومت نے صوبے کے سبھی پنچایتوں کے سبھی وارڈ میں وارڈ سکریٹری منتخب کر رکھا ہے، جو وارڈ کی ترقی کے کام میں وارڈ ممبر کے ساتھ مل کر کام کرتے ہیں۔

اس احتجاج میں شامل وارڈ سکریٹری رنجنا کماری نے کہا کہ، 'ان لوگوں سے نتیش کمار پچھلے چار سال سے بغیر تنخواہ کے کام کروا رہے ہیں۔ ان لوگوں کی تعلیم بند ہو گئی ان کے پاس بھی بال بچے ہیں، کب تک مفت میں کام کریں گے۔

ہمارا حکومت سے مطالبہ ہے کہ وہ ہمیں تنخواہ دیتے ہوئے مستقل کرے۔'

اس دوران احتجاج میں شامل لوگوں نے ریاستی حکومت کے خلاف نعرے بازی کی۔