گیا: بہار کے ضلع گیا میں "خواجۂ بہار" کے نام سے معروف آستانہ حضرت سید شاہ عطا حسین فانیؒ کا سالانہ عرس شروع ہو گیا ہے۔ گزشتہ دو برسوں سے کورونا وبا کی وجہ سے عرس انعقاد نہیں کیا جارہا تھا۔ Urs of Khwaja Bihar Ata Hussain Fani
حضرت خواجہ بہار سید عطا حسین فانیؒ کا یہ 132 واں عرس منایا جارہا ہے۔ بعد نماز فجر قرآن خوانی سے اس کا آغاز ہوچکا ہے۔ سید عطاء حسین فانیؒ کا خاندان بھارت میں تقریبا ایک ہزار قبل آیا تھا۔ خانقاہ کے سجادہ نشین حضرت مولانا سید صباح الدین منعمی نے بتایا کہ عربی تاریخ کے مطابق 23 رمضان 1232ھ میں سید شاہ عطاحسین فانیؒ کی پیدائش پٹنہ میں ہوئی تھی اور تعلیم حاصل کرنے کے بعد وہ شہر گیا کے نواگڑھی رام ساگر میں قیام پذیر ہوئے اور یہیں ان کا انتقال 1311 ہجری میں ہوا اور آستانہ کے احاطے میں ان کی تدفین عمل میں آئی۔ Urs of Khwaja Bihar Ata Hussain Fani
عرس منتظمین کے مطابق آج ایک جلسہ بھی منعقد ہوگا جس میں ملک کی مختلف ریاستوں سے آئے علماء کرام خطاب کریں گے۔ عرس کے پیش نظر عرش انتظامیہ کی جانب سے تمام انتظامات کیے گئے ہیں۔
