ریاست بہار کے ضلع بھاگلپور کے پرپییتی تھانہ علاقے کے ونوٹہ گاؤں میں اولاد حاصل کرنے کے لیے باباؤں کے بہکاوے میں آکر ایک شخص نے اپنے بھتیجے کو چاکلیٹ کا لالچ دیکر گھر سے باہر لے گیا اور باس بٹی میں اس معصوم کی بلی چڑھادی۔
چچا کو شادی کے 10 برس گزر گئے تھے لیکن کوئی ولاد نہیں تھی اور اس نے اولاد حاصل کرنے کے لیے اس قدر پاگل تھا کہ انجام کی پرواہ کیے بغیر اس نے اپنے بھتیجے کا (بلی چڑھانے کے نام پر)گلہ ریت کر قتل کردیا۔
گاؤں والوں کا ماننا ہے کہ اولاد نہ ہونے کے باعث وہ باباؤں کے پاس جانے لگا اور باباؤں نے ہی اس کو صلاح دی کہ وہ پہلے کسی کی بلی دے گا تو اس کو اولاد حاصل ہوگی، جس کی بات مان کو اس کے اس واقعے کو انجام دیا۔
اس واقعہ کا انکشاف پیر کی صبح ہوا، جس کے بعد پولیس موقع واردات پر پہنچی، پولیس نے کیس درج کرنے کے بعد اور لاش کو تحویل میں لیکر پوسٹ مارٹم کے لیے بھیج دیا، جبکہ چچا اور بابا کی تلاش جاری ہے۔
