ریاست کے ایڈیشنل ڈائریکٹر جنرل آف پولیس جتندر کمار نے بتایا کہ 'سی پی آئی ماﺅنواز کے نکسلی امرسہنی اور راکیش سہنی نے انسپکٹرجنرل آف پولیس سشیل ایم کھوپڑے کے سامنے ان کے دفتر میں خود سپردگی کی۔'
انہوں نے بتایا کہ 'دونوں نکسلی ویشالی ضلع کے جنداہا تھانہ علاقہ کے باشندہ ہیں۔'
مسٹر کمار نے بتایا کہ 'امرناتھ نے خودسپردگی کے وقت نو ایم ایم کا ایک دیسی کاربائن اور 7.62 ایم ایم کا ایک دیسی پستول اور چودہ کارتوس جبکہ راکیش نے 7.62 ایم ایم کا ایک دیسی پستول ، ایک 315 بور کا دیسی پستول اور پانچ کارتوس بھی پولیس کو سونپ دیا ہے۔'
انہوں نے بتایا کہ امر ناتھ اپنی تنظیم کا 'زونل کمانڈر' تھا۔
ایڈیشنل ڈائریکٹر جنرل آف پولیس نے بتایا کہ امرناتھ سہنی پر مختلف تھانوں میں آرمس ایکٹ، دھماکہ خیز مواد ایکٹ سمیت چودہ معاملے جبکہ راکیش پر انتہا پسندی سے متعلق چھ معاملے درج ہیں۔
