پولیس ذرائع نے یہاں بتایاکہ کباڑ چننے والے دو نابالغ لڑکے امبیکا کالونی میں ایک مکان کے پیچھے پانی بھرے گڈھے میں لگے ارتھنگ کے تار لگے پائپ کو اکھاڑ رہے تھے۔
اسی دوران بجلی کے رابطے میں آجانے سے ان کی موت ہوگئی۔
ذرائع نے بتایاکہ واقعہ کی جانکاری کے بعد موقع پر پہنچی پولیس نے مذکورہ علاقہ کے جونیئر انجینئر سے بات کر کے بجلی کنکشن ختم کرنے کو کہا۔
اس کے بعد پولیس نے لاشوں کو پانی سے باہر نکال کر پوسٹ مارٹم کے لئے چھپرہ صدر ہسپتال بھیج دیا ہے۔
مرنے والوں کی عمر قریب دس سال ہے اور ان کی شناخت نہیں کی جاسکی ہے۔
یہ بھی پڑھیے:بھار: ٹرانسپورٹیشن سہولیات کو دوبارہ بحال کرنے کا حکم
سوشل میڈیا کے توسط سے مرنے والوں کی شناخت کرنے کی کوشش کی جارہی ہے۔
