نوگچھیا کے سب ڈویژنل افسر مکیش کمار نے آج یہاں بتایاکہ بس پر سوار مسافر بیگو سرائے سے بھاگلپور جارہے تھے تبھی نارائن پور چوک کے نزدیک تیز رفتار ٹرک نے بس میں ٹکر مار دی۔
اس حادثہ میں ٹرک ڈرائیور کشن شرما (38) اور بس پر سوار مسافر چندر منی کمار (23) کی موقع پر ہی موت ہوگئی، جبکہ 18 مسافر زخمی ہو گئے۔
ہلاک ہونے والا ڈرائیور اتر پردیش کے کشی نگر ضلع کے بکہر واکے جبکہ ہلاک ہونے والا مسافر سمستی پور ضلع کے چک میسی تھانہ کے کشیاری گاﺅں کا رہنے والا تھا۔
مکیش کمار نے بتایاکہ زخمیوں کو مقامی سرکاری اسپتال میں داخل کرایا گیا، جہاں ابتدائی علاج کے بعد سبھی کو بہتر علاج کیلئے بھاگلپور میڈیکل کالج اسپتال بھیج دیا گیا ہے۔
دونوں ہلاک ہونے والے شخص کے اہل خانہ کو بطور معاوضہ چار۔ چار لاکھ روپے رقم مہیا کرائی جارہی ہیں۔ سبھی زخمیوں کا علاج مفت میں کیاجارہاہے۔ لاشیں پوسٹ مارٹم کیلئے نوگچھیا سب ڈویژنل اسپتال بھیج دی گئی ہیں۔
