ریاست بہار کے سارن ضلع میں ایس ایف سی کے دفتر میں بحال دو ملازمین کو رشوت لینے کے الزا م میں گرفتار کر کے جیل بھیج دیا گیا ہے ۔
پولیس ذرائع نے جمعہ کو یہاں بتایاکہ کورونا مدت میں عوامی نظام تقسیم کے دکانداروں کو اپنے مستفیدین کو مفت میں اناج دینے کی ہدایت دی گئی تھی۔ مذکورہ ہدایت کے ضمن میں عوامی نظام تقسیم کے دکانداروں کو ایس ایف سی کی جانب سے کچھ رقم بطور تعاون دینے کا فیصلہ ریاستی حکومت نے کیا تھا۔
عوامی نظام تقسیم کے دکانداروں کو دی جانے والی رقم کو ایس ایف سی کے ملازم محمد جاوید ظفر اور نویش آنند دینے کیلئے رشوت کا مطالبہ کر رہے تھے۔ اس بات کی شکایت دکانداروں نے سارن ضلع مجسٹریٹ ڈاکٹر نیلیش رام چندر دیورے سے کی تھی۔
ذرائع نے بتایاکہ شکایت ملنے پر ضلع مجسٹریٹ نے اس معاملے کی جانچ کرنے کا حکم سارن کے ڈپٹی کلکٹر ڈاکٹر گگن کو دیا تھا۔ ڈپٹی کلکٹر نے جانچ کے دوران دونوں ہی ملزمین کو رشوت کی رقم 10472 روپے کے ساتھ پکڑ کر پولیس کے حوالے کر دیا۔ دنوں ملازمین کو جیل بھیج دیا گیا ہے۔
