ارریہ شہر کے گاندھی آشرم میں واقع کانگریس کے ضلع دفتر میں آج پارٹی کارکنان کے جانب سے صوفی سنت روی داس کے 644 ویں یوم پیدائش اور مجاہد آزادی چندر شیکھر آزاد کے یوم وفات پر انہیں خراج عقیدت پیش کیا گیا۔
کانگریس کارکنان نے دونوں شخصیات کی تصویروں پر گلپوشی کر کے انہیں نم آنکھوں سے یاد کیا۔
اس موقع پر ضلع صدر انیل کمار سنہا نے میڈیا سے گفتگو کرتے ہوئے کہا کہ 'سنت روی داس کی شخصیت ملکی نہیں بلکہ عالمی سطح کی تھی،' ان کے ماننے والے دنیا کے کونے کونے میں موجود ہیں۔ انہوں نے پوری زندگی امن و امان، شانتی، آپسی بھائی چارہ اور محبت کا پیغام دیا ہے۔ اس لئے آج ہم عہد لیتے ہیں کہ سنت روی داس جی کے بتائے ہوئے راستے پر چل کر انہیں سچی خراج عقیدت پیش کریں گے۔
وہیں، رکن اسمبلی عابدالرحمن نے کہا کہ' چندر شیکھر آزاد کا بھارت کی آزادی میں نمایاں کردار ہے۔ ملک کو انگریزوں سے آزاد کرانے کے لئے انہوں نے اپنی قربانی دی۔ ایسے سپوتوں کی وجہ سے آج ہم بھارت کی کھلی فضا میں سانس لے رہے ہیں۔
مزید پڑھیں:
گیا: پولیس سرچ آپریشن میں 83 آئی ای ڈی بم برآمد
کانگریس کے ضلع نائب صدر ڈاکٹر صدر عالم نے کہا کہ 'سنت روی داس کے کئی دوہے مشہور ہیں' جسے پڑھنے کے بعد ایک سبق حاصل ہوتا ہے۔
ضلع ترجمان سبطین احمد نے کہا کہ 'سنت روی داس جیسے لوگ کبھی مرتے نہیں ہیں بلکہ وہ اپنی فکر کی وجہ سے ہر ایک شخص کے دلوں میں زندہ رہتے ہیں۔'
