مسافروں کے ٹرین سے اترجانے کے بعد سبھی کو اسکریننگ کے لیے ریلوے کے اسکریننگ سینٹر لے جایا گیا جانچ مکمل ہوجانے کے بعد سبھی مزدوروں کو ان کے گھر روانہ کردیا جائے گا۔
ملک میں تیزی سے بڑھتے جارہے کورونا وبا کے سبب مرکزی حکومت نے لاک ڈاؤن کو 17 مئی تک بڑھانے کا فیصلہ کیا ہے، وہیں وزارت داخلہ نے ایڈوائزری میں ترمیم کی ہے جس کے تحت خصوصی ٹرینیں چلائی جارہی ہیں۔
جئے پور سے پہلی اسپیشل ٹرین 1187 مزدروں کو لے کر آج بہار کے دانا پور اسٹیشن پہنچی ۔
اس تعللق سے پٹنہ کے کمشنر نے بتایا کہ دو مزید ٹرینوں کے ذریعے راجستھان سے مزدوروں اور طلبأ کو واپس لایا جائے گا اور جو ٹرین آج آئی ہے اس میں صرف اور صرف مزدور سوار تھے۔
اس موقع پر راجستھان سے بہار اپنے آبائی وطن واپس آئے ان 1187 مزدوروں کے چہرے پر کافی خوشی دیکھنے کو ملی۔
لیکن مزدوروں نے ریاستی حکومت کی جانب سے کسی بھی طرض کی سہولت مہیا نہ کرانے کی بھی شکایت کی۔
