ریاست بہار میں ویشالی ضلع کے مختلف تھانہ علاقے سے پولیس نے اسلحہ اور منشیات کے ساتھ تین بدمعاشوں کو گرفتار کیا ہے ۔
پولیس ذرائع نے آج بتایا کہ کرتاہا تھانے کو اطلاع ملی تھی کہ کوٹھیا چوک کے نزدیک کچھ بدمعاشوں کو دیکھا گیا ہے اور ان کے ذریعہ کسی بڑی واردات کو انجام دینے کا منصوبہ بنائے جانے کا اندیشہ ہے ۔
اسی اطلاع کی بنیاد پر کل دیر رات کی گئی چھاپے ماری میں دو بدمعاشوں کو گرفتار کرلیا گیا ۔
گرفتار بدمعاشوں میں اسی تھانہ علاقہ کے گرمیا گاﺅں کا رہنے والا نیرج کمار اور وید پرکاش شامل ہے، بدمعاشوں کے پاس سے دو پستول، دوکارتوس اور ایک بائک ضبط کی گئی ہے ۔
وہیں کل رات گشتی کے دوران بیدو پور تھانہ علاقہ کی پولیس نے چک سکندر ریلوے ڈھالا کے نزدیک شبہہ کی بنیاد پرایک بائک سوار نوجوان کو روکا اور اس کی تلاشی لی ۔ اس دوران اس کے پاس سے 150 گرام چرس برآمد ہوا، جس کے بعد اسے گرفتار کرلیا گیا ۔
گرفتار نوجوان کی شناخت اسی تھانہ علاقہ کے خان پور پکڑی گاﺅں کا رہنے والا گوتم کمار کے طور پر کی گئی ہے، سبھی گرفتار بدمعاشوں کو آج عدالتی کاروائی کے بعد جیل بھیج دیا گیا ہے ۔
